یوپی کے چناؤ میں ووٹنگ مشین میں چھیڑ چھاڑ کے معاملے پر بی ایس پی عدالت سے رجوع کرے گی

اترپردیش اور اترکھنڈ اسمبلی انتخابات میں پارٹی کی شکست سے دلبرداشتہ بہوجن سماج پارٹی کی سربراہ مایاوتی نے الیکشن میں دھاندلی کا الزام لگاتے ہوئے آج اعلان کیا ہے کہ اگر الیکشن کمیشن نے الیکٹرانک ووٹنگ مشین میں گڑبڑ کی ان کی شکایت پر کارروائی نہ کی تو وہ عدالت



سے رجوع کریں گی۔پارٹی نے بی جے پی کے خلاف ملک گیر احتجاج کرکے ہر ماہ کی گیارہ تاریخ کو دونوں ریاستوں کے ریاستی ضلع ہیڈ کوارٹرز پر یوم سیاہ منانے کا بھی فیصلہ کیا ہے۔مایاوتی نے پارٹی کی انتخابی کارکردگی کا تجزیہ کرنے کےلئے پارٹی لیڈروں کی میٹنگ کے دوران مذکورہ اعلان کیا۔